мяцеліца

RSS Feed

Мяцеліца

Сярэдняя: 5 (2 галасоў)

To разбяжыцца,
To пухам засцеліцца,
Гойкае, кружыць,
Спявае мяцеліца.

Сядзе пры садзе
За дрэвамі блізкімі,
Ў шыбы ударыць
Сыпучымі пырскамі.

Скача матляючы
Белай сарочкаю...
He! He заснуць табе
Гэтаю ночкаю.

Лесам, гаямі,
Крутымі разлогамі,
Сэрца гукаючы
Ходзіць дарогамі.

Рэха па звонкаму бору
Галёкае...
Едзе каханы
З граніцы далёкае.

Бліжай і бліжай
Вёскі ваколіца;
Думы аб любай
Сняжынкамі рояцца.

Скора ўжо, скора
Два сэрцы сустрэнуцца...
Гойкае, кружыць,
Спявае мяцеліца.

Мяцеліца

Сярэдняя: 2.8 (5 галасоў)

Ці гэта снег,
Ці гэта пух,
Ці гэта смех,
Ці гэта дух,
Ці гэта сон,
Ці гэта звон,
Ці гэта Бог,
Ці чорт ля ног –
Усё ляціць і мелецца.
Мяцеліца, мяцеліца.

Мяцеліцы

Сярэдняя: 4.7 (9 галасоў)

Вецер стыне ў голасе звонкім,
Свету белага не відно –
Ткуць мяцеліцы прадзівам тонкім
Белым-белае палатно.
То пяюць, то закружаць хвацка
Думкі даўнія вечароў.
А затым уцякуць знянацку
І да новых заснуць вятроў.