Янка Купала

RSS Feed

Ёлачка (пераклад з рускай)

Яшчэ не ацэнена

Ўзышла у лесе ёлачка,
У лесе і расла,
Узімку, ўлетку стройная,
Зялёная была.
Мяцеліца ёй песеньку
Пяяла: баю-бай,
Мароз сняжком атуліваў:
Глядзі, не замярзай!
Пужлівы зайчык шэранькі
Пад ёлачкай скакаў,
Падчас і воўк, сярдзіты воўк,
Ускоч перабягаў.
Вось снег у лесе дрэмлючым
Пад полаззем скрыпіць,
I конік жвавы, сівенькі
Спяшаецца, бяжыць.
Вязе той конік саначкі,
А ў санках селянін,
Пад'ехаў ён пад ёлачку
I ссек у міг адзін.
Цяпер яна прыбраная
На свята к нам прыйшла
I шмат пацехі, радасці
Для дзетак прынясла.

З Новым годам!

Яшчэ не ацэнена

З Новым годам, з Новым годам!
З новай песняй, з новай казкай!
Зачаруем мімаходам
Долі ходы думкай-краскай!

Кінем покліч гулказвонны
Ад аконца да аконца,
Свет паклічам мёртва-сонны
Аж да сонца, аж да сонца!

Для унукаў, для праўнукаў
Расцярэбім сцежкі-шляхі;
Хай пануюць над прынукай —
Каб аж к небу лёту ўзмахі!..

Над зямлёй зардзіць вясёлка
После бураў, ліхалеццяў;
Бацьку, маці жыць нялёгка, —
Хай жа лёгка жывуць дзеці!

З Новым годам, што крыніцай
Новай пойдзе ў пераходзе,
Беларуская зямліца!
Беларускі наш народзе!

З песень нядолі

Яшчэ не ацэнена

Шумныя бярозы
Пабяліў мароз.
Хацеў бы я плакаць,
Дый не маю слёз.

Хацеў бы я пеці
Аб сваёй бядзе,
Дый мне сэрца ные,
Песенька не йдзе.

Хацеў бы, каб зімаў
Строгіх не было,
Каб зарэла цягам
Летняе цяпло.

Хацеў бы, каб доля
У хатцы жыла,
Каб з бурлівай рэчкай
Нядоля сплыла.

Хацеў бы, каб воля
Гуляла са мной,
Каб сонейка грэла,
Як грэе вясной.

Але, божа мілы!
Долі не відаць, —
Кайданы няволі
На руках звіняць.

Няма вясны, сонца,
Светлых дзён няма, —
Марозам марозіць
Строгая зіма;

Марозам марозіць,
Снегам адзяе,
На работу гоніць,
Есці не дае.

Эх, пайду я ў поле
Долечкі шукаць
З востраю касою,
Як на сенажаць!

Ой, пайду я ў поле,
Як бы на вайну,
Шукаючы волю,
Шаблячкай махну!

Можа ўзойдзе доля
Ясненькай зарой,
Можа блісне сонцам
Воля нада мной!

Усе аўтары

Галавіна Ганна
Глобус Адам
Ляшчун Мікола
Станюш Таццяна
Lazzaro
Грахоўскі Сяргей
Мікалай Кот
Стральцоў Міхась
Аксёнчык Ніна
Грачанікаў Анатоль
Мінкін Алег
Сямірская Таццяна
Акулін Эдуард
Грушэцкі Алег
Макаль Пятрусь
Танк Максiм
Бічэль-Загнетава Данута
Гушчынская Юля
Малец Янусь
Трус Паўлюк
Бабкоў Уладзімір
Дабравольская Ангеліна
Маркевіч Ірына
Фавста Цветана
Багдановіч Максім
Дземідовіч Галіна
Марук Уладзімір
Хадарэнка Ірына
Барадулін Рыгор
Дзям'янава Таццяна
Махнач Сяргей
Цвірка Кастусь
Барысава Таццяна
Дубянецкі Эдуард
Мацулевіч Алесь
Цвірка Таццяна
Борскі Алесь
Дэбіш Анатоль
Надольскі Павел
Цыбульскі Кастусь
Брандт Сяргей
Законнікаў Сяргей
Назарава Вікторыя
Чарот Міхась
Броўка Пятрусь
Зуёнак Васіль
Неўдах Лявон
Шабовіч Мікола
Буйніцкі Алег
Кавальчук Ніна
Півуноў Юрась
Шакола Пётр
Бураўкін Генадзь
Каліцька Наталля
Пісьмянкоў Алесь
Шаціла Віктар
Ведзянееў Аляксандр
Канапелька Ала
Пракаповіч Ігар
Шніп Віктар
Владава Валянціна
Караткевіч Уладзімір
Пранчак Леанід
Шпіронак Дзяніс
Воранава Людміла
Карпенка Аляксей
Пшыгоцкая Алена
Шруб Павел
Вырко Ларыса
Карцялёў. Міхась
Разанаў Алесь
Шушко Анатоль
Гілевіч Ніл
Колас Якуб
Рублеўская Людміла
Шылавец Надзея
Галоўчык Вікторыя
Кот Мікалай
Рудак Антон
Эспіноса Анхела
Гальпяровіч Навум
Купала Янка
Руцкая Алена
Якубовіч Леанід
Гардзей Віктар
Ліпчанская Ганна
Сіпакоў Янка
Янішчыц Яўгенія
Гардзейка Уладзімер
Левітан Жанна
Салтук Алег
Яўменаў Леанід
Гаўрусёў Сцяпан
Лойка Алег
Сокалаў-Воюш Сяржук
Яцкоў Мікола
Глебка Пятро
Лянок Алена
Спіцын Алесь