Жанна Левітан

RSS Feed

Зімовы накід

Сярэдняя: 4.3 (4 галасоў)

Белыя каралі
Зіхацяць у начы.
Стомленая далеч
Велічна маўчыць.

Поле ў белых кроснах:
Ні слядка няма.
Туляцца нябёсы –
Надыйшла зіма...

Зімовы пейзаж

Яшчэ не ацэнена

Убраная зімовая прастора
Жамчужнымі карункамі бяроз.
У пухнатым белым покрыве пагорак,
Малюе срэбнай фарбаю мароз.

Яскрава свеціць сонца ў небе ясным.
Ні шолаху, ні шэпту вецярку…
Вакол такая ціша! Толькі часам
Пачуецца крухмальны хруст сняжку.

Зіма… У яе суровасці халоднай
Ёсць крохкае і трапяткое штось.
Чароўны благадатны сон прыроды…
Кранаючая сэрца прыгажосць!

Усе аўтары