Навум Гальпяровіч

RSS Feed

На белым палатне зімы...

Сярэдняя: 4.5 (2 галасоў)

На белым палатне зімы,
Дзе дрэў графічныя карункі,
Сябе саміх шукаем мы,
Нібыта лёсу падарункі.

І заканчэння не відно
Ў мігценні гэтым адмысловым,
І тчэцца лёсу палатно
На чыстым аркушы зімовым.

На снезе першым першыя сляды...

Сярэдняя: 4 (1 голас)

На снезе першым першыя сляды,
Нібы жыццё нанова нехта піша.
Чарнее сад, звініць празрыста ціша,
I ў сэрцы ўжо амаль няма нуды.

Бо гэтай першароднай белізной
Нам быццам свет нагадвае старанна,
Што можна загаіць старыя раны,
Што праўда пераважыць над маной.

Каб так было! Ды пачарнее снег,
I першыя сляды затопчуць колы.
А на душы даўно няма спакою,
I новых дзён усё павольней бег.

Усе аўтары