Кароткі дзень падняўся на крыло...

Кароткі дзень падняўся на крыло,
Яго палёт святочны быў і чысты.
Ад раніцы мяло, мяло, мяло ...
Кружыўся снег - празрысты і іскрысты.

Спыніўся рух машын на ўсёй зямлі –
Палеглі гурбы снегу ім на дахi.
І хуткія зямныя караблі
Цяпер паўзлі як тыя чарапахі.

Але ад снегу лёгка на душы,
І я лячу - хутчэй машын маркотных
Туды, дзе ажываюць міражы
Пад полымем вачэй тваіх пяшчотных.

15.01.2014